Ээждээ би дээл урлахуй

Өөрийнхөө 2002 онд бичиж байсан шүлгийг нэгэн хүний блог дээрээс оллоо. Сонин л байдаг юм байна. :))

Санаашрал болгоноо нулимсанд урсгаад
Гунигаа мартаж хэлье
Сарны хорвоог зовоохгүйн тулд
Зүрхэндээ уйлж хэлье
Үхлийн өмнө хальрахгүй
Зоригоон чангалж хэлье
Үүрийн цагаан гэгээнээр
Шүлгээн тэрлэж хэлье
Ээждээ би шүлгэн дээл урлана

Харангын Лхагвасүрэн feat Өөжгий: Хүлээлт - Mongolian live sessions

"Mongolian live sessions" төслийн хүрээнд дуучид, хөгжимчдийг амьдаар дуулуулах сонирхолтой ажил явагдаж байна. Үүнээс хамгийн их таалагдсан клипээ оруулж байна.



Эх сурвалж: http://www.youtube.com/watch?v=TKDq3NiYdHM

Зүүд

Хөлгөн их сударт цэцэлж байна гэж
Тэнэг Дэмбээ зүүдэллээ
Хөх орчлонг тойроод гүйж байна гэж
Хөлгүй Сэнгээ зүүдэллээ

Солонгын долоон өнгийг харж байна гэж
Сохор Дорж зүүдэллээ
Саран доор хайр шивнэж байна гэж
Хэлгүй Долгор зүүдэллээ

Хүн бүхэн өөр өөрийн гэгээн хүслээр
Хорвоог умартан зүүдэллээ

2000 он (А. Баатарчулуун)

Symfony Framework сургалт зохион байгуулна

СуперГравитон ХХК нь Symfony Framework 1.4 сургалт зохион байгуулах гэж байна. 

Symfony Framework гэж юу вэ?
Symfony нь 10 гаруй жилийн туршид хөгжүүлэлт хийгдэж байгаа, нээлттэй эх бүхий PHP-ийн хамгийн түгээмэл фрэймворк бөгөөд илүү боловсронгуй хэлбэрээр вэб програмчлалыг хийхэд зориулагдсан технологи юм.

Сургалтын зорилго
Сургалтанд хамрагдсан сурагчдад дараах мэдлэгүүдийг олж авч, практикт хэрэгжүүлэх чадвар эзэмшүүлнэ. Үүнд:
• Symfony суурилуулж, тохиргоо хийх
• MVC бүтцийн талаар дэлгэрэнгүй ойлголттой болох
• Symfony програм шинээр үүсгэж, бүтээх
• Controller Layer түвшнийг ангилж сурах
• Тэмплэйт болох харагдах байдлыг ашиглаж сурах (View Layer)
• URL-ийг хэрхэн цэвэрхэн, ойлгомжтой, богинохон байлгах
• Өгөгдлийн сантай объект хандлагат байдлаар ажиллах
• Форм-той ажиллах, Validation-ийг автоматжуулах
• AJAX ашиглан вэбээ улам хэрэглээ өндөртэй болгох
• Вэб програмаа илүү хурдан болгох, кэйшлэх (cache)
• Олон хэл дэмждэг бүтэцтэй ажиллах
• Админ буюу вэбийн удирдлагын хэсгийг автоматаар үүсгэх
• Нэмэлт бэлэн plugin ашиглаж сурах
Сургалтын явцад Symfony болон вэб аппликэйшн бүтээх талаар чөлөөт ярилцлага зохион байгуулна.

Хэн хамрагдаж болох вэ
• Илүү бүтээлч, хурдан, найдвартай, стандарт-д нийцсэн вэб аппликешн бүтээхийг хүсэгчид
• Вэб програмчлалын суурь мэдлэгтэй
• HTML, CSS, Javascript-ийн суурь мэдлэгтэй
• C++ болон вэб програмчлалын PHP хэлний зохих түвшний мэдлэгтэй
• MySQL өгөгдлийн баазтай ажиллах чадвартай

Сургалтын агуулга болон хэлбэр
Сургалтыг Symfony-ийн үндсэн онолуудаас гадна, илүү практикт суурилсан хэлбэрээр туршлага солилцох, мэдлэг дамжуулах, чөлөөт ярилцлага явуулах, дасгал хийх зэрэг байдлаар явуулна.
Сургалтын хугацаанд нэг жижиг хэмжээний бүрэн төслийг хийж дуусгана.

Хугацаа
2013 оны 6-р сарын 2-ноос 9-ний хооронд явагдана. Нийт 20 цаг.
Сургалт МУИС, Мэдээллийн Технологийн Сургууль дээр  зохион байгуулагдана.

Багшийн тухай
Алтанбаярын Баатарчулуун – https://www.facebook.com/baatarchuluun, http://baatarchuluun.blogspot.com
2006 – 2008, МУИС, ФЭС – Физик, програмчлалын багш
2008 – 2011, Мобиком групп, Ньютел ХХК, Вэб орчны энтерпрайз системийн хөгжүүлэгч
2011 – Одоо, СуперГравитон ХХК – Гүйцэтгэх захирал, төслийн удирдагч
Вэб хөгжүүлэлтийн чиглэлээр дагнан 8 дахь жилдээ ажиллаж байгаа бөгөөд том жижиг нийлсэн 100 орчим төсөл дээр төслийн удирдагч, хөгжүүлэгчээр ажилласан.

Туршлага
PHP, MySQL – 9 жил, Symfony Framework – 5 жил
Өмнө нь 2 удаа 10 хүртэлх хүний бүрэлдэхүүнтэй Symfony сургалтыг зохион байгуулсан.

Төлбөр:
Хувь хүн: 250,000 төгрөг
Байгууллагын ажилтан: 350,000 төгрөг + НӨАТ (10%)
Төлбөрийг
1. Дансаар төлөх бол: ХААН банк – 5041075121 Алтанбаярын Баатарчулуун дансанд тушаана.
2. Бэлнээр төлөх бол: Монголын Залуучуудын Холбоо, 315 тоот өрөөнд тушаана.

Хөнгөлөлт:
- 5  сарын 27-с өмнө бүртгэлээ баталгаажуулсан тохиолдолд нийт төлбөрийн 10% хямдралтай
- Нэг байгууллагаас нэгээс дээш ажилтан хамрагдвал хоёрдах хүнээс эхлэн 20% хөнгөлөлт

Бүртгэл
Бүртгэлийг info@graviton.mn хаягаар хүлээн авах бөгөөд доорх мэдээллийг илгээнэ үү.
1. Овог, нэр
2. Албан тушаал / байгууллага
3. Холбоо барих утас, хаяг, имэйл хаяг

Холбоо барих
Э-шуудан: info@graviton.mn
Утас: 9907-3010
Супер Гравитон ХХК

Д.Батбаяр “Би явлаа”

Yйлийн үрээс өөр өөдтэй тайлбар олддоггүй энэ орчлонд эцсийн амьсгал татах хүртлээ би Буддатай байхыг хүсдэг. Газрын хатуу, тэнгэрийн хол ч яамай. Харин ч хатуу тулдаа хамаг амьтны зовлонг дааж, хол тулдаа л хүн бүрийн гарт өртчихөлгүй тогтож байдаг бизээ. Yүнээс илүү сайхан ертөнцийг төсөөлж болно, бүтээж болохгүй. Чаддаг юм бол тэр матераа өгчих, төгс ертөнц бүтээгээд өгье. Байдаг юм бол тэр эзэн тэнгэрээ дуудчих, гэрээгээ дахин шинэчилье.

Гавлын яс тэвэрсэн Гамлет. Тэнэг хун тайжуудын нэг. Орших уу? Эс орших уу? Шал тэнэг асуулт. Орших-эс орших сүлэлдэн байж орчлон өрөмтөн тогтсон юм. Гэрэлгүй газар сүүдэр тусахыг хаана харсан юм, зайлуул.

Индэр дэрэлсэн илтгэгч. Хөгжил дэвшилд тархи нь эргэсэн эр. Нүүх үү? үлдэх үү? Бүр тэнэг асуулт. Нүглээ үүрээд хаа ч очсон там. Мунхагийн харанхуйд зул асаачихвал энд ч гэсэн диваажин. Сэтгэл нь ханаагүй хүн жаргасан гэж хэзээ сонссон юм, хөөрхий.

Амьдралын ая тух хайсан хүн атомыг задалж, генийг уншсан. Эрх чөлөөг хүссэн олон хаанаа халж, хамжлагыг өндийлгөсөн. Өөр өөрийн үнэнтэй соёлыг баллуурдаж, иргэншил гэдэг ганцхан саравчинд итгэдэг болсон. Хүн бүрийг хүндэлж ардчилал гэдэг лоозон хадсан. Гоё юмаа.

Ширхэг ч холестрингүй, амин дэмээр бүтсэн хоол идэж, халдах халдахгүй өвчний вакцин тариулсан ч хүний зовлон нимгэрсэнгүй. Өөрийнх нь өмнөөс бүхнийг хийдэг машин бүтээн, гамгүй эдэлсэн эрхтнээ шинээр сольдог боллоо ч сэтгэлийн шаналгаа нь арилсангүй. Хог юмаа.

Сэтгэл хэмээх гүн харанхуй шугуйн дунд уйлж суухад минь Будда надтай таарсан. XXI зууны сак progressboy учраа мэдэхгүй, нусаа татахад “өөрөө өөртөө зул бол” гэдэг энгийн нэг мессеж өгсөн. Өнөөг хүртэл “ном бол ертөнцийг харах цонх” хэмээн хүний нүдээр орчлонг шагайж, тэнэгтэж явсанаа тэгэхэд л ойлгосон.

Одоо надад бусдын бэлэн теором, хүний хуучин үнэн хэрэггүй. Соёл иргэншил цогцсыг минь хучивч оюун санааг минь дарж чадахгүй. Американ бургер гэдэс дүүргэвч сэтгэл цатгахгүй. Академичийн хямсгар царай ой гутааж, сүржин сүжигтэн шооч занг минь хөгжөөхөөс хэтрэхгүй. Хэн нэгэнд энэ бүхэн ихэрхэл, цэцэрхэл шиг санагдаж болно. Харин надад бол залбирал. Будда намайг яруухан, даруухан амьдралын аянд урьсан. Би явлаа. Баяртай.

Symfony 1.4 дээр web фолдерыг public_html болгож өөрчлөх

Сүүлийн үед cPanel-тай хостингууд дээр үүсч байгаа нэг асуудал бол энэ.
Үүний товч зааврыг оруулъя.

Үүний тулд config/ProjectConfiguration.class.php файлыг нээгээд дараахь мөрийг нэмж бичнэ.

$this->setWebDir($this->getRootDir().'/public_html');

/* file config/ProjectConfiguration.class.php */
require_once dirname(__FILE__).'/../lib/vendor/symfony/lib/autoload/sfCoreAutoload.class.php';
sfCoreAutoload::register();
 
class ProjectConfiguration extends sfProjectConfiguration
{
  public function setup()
  {
    $this->setWebDir($this->getRootDir().'/public_html');
    $this->enablePlugins('sfDoctrinePlugin');
    $this->enablePlugins('sfFormExtraPlugin');
  }
}