Monday, June 16, 2014

Аргалын уул

Долгорын Нямаа гуайн тухай олон сайхан дурсамжууд байдаг. Тухайлбал Пүрэвдорж гуайн Сэгс цагаан богд найраглал хэрхэн бүтсэн тухай та бүхэн сонсоо биз. 
Нямаа гуайн нэг сайхан шүлгийг нь энд оруулъя. 

Бараа бараагаа харсан
Холын цэнхэр уул
Багаас миний хайртай
Хоёр цэнхэр уул

Зэрэглээ гүйсэн талын
Зэрэгцээ хоёр уул
Зээр цахилсан хөндийн
Сондгой хоёр уул

Саахалт хоёр айлын
Санаа нэг гэдэг шиг
Сайхан хоёр уулын
Салхи бас нийлнэ

Сайхан хоёр уулын
Салхи нийлэв гэхэд
Ботгон цагаан уулын
Бороо бас нийлнэ

Ботгон цагаан уулын
Бороо нийлэв гэхэд
Цэнхэр хоёр уулын
Цэцэг бас нийлнэ.

Холын холоос бараатай
Аргалын хоёр уул
Хоёулаа байх нь жаргалтай
Амрагийн хоёр уул

Хэн хэнээсээ холдохгүй
Талын хоёр уул
Хэзээ ч гэсэн ойртохгүй
Дууны хоёр уул

Wednesday, April 9, 2014

Эго гэж юу вэ?

Facebook дээрх Зэн хуудаснаас авсан ЭГО-ны талаарх бяцхан нийтэлийг толилуулж байна.

"Төрийн том албан тушаалтай нэг хүн Зэн мастер дээр ирээд, "Энэ хүмүүсийн яриад байдаг Эго гэж юу юм бэ? Та надад тайлбарлаад өгч болохсон болов уу?"
Зэн мастер түүнд, "'Ямар тэнэг асуулт гэхээр ийм байдаг байнаа. Яагаад надаас ийм утгагүй, элий балай юм асуугаад байгаа юм бэ?'" гэхэд нөгөө хүн тэр даруйд нь "Чи яаж надтай ингэж харьцаж зүрхэлж байнаа?!! Намайг хэн болoхыг чи мэдэхгүй юу?" гэж ууртай хэлэхэд нь мастер түүнд "Наадхыг чинь Эго гээд байгаан." гэв"

"Эго гэдгийг бид ихэвчлэн аминч үзэл, биеэ тоосон бардам зан гэж ойлгодог. Гэвч Эго гэдэг дан ганц хэт хөөрсөн "өөрийн би"-г мэдрэхүйг хэлдэггүй. Тэрээр өөрийгөө бусдаас дорд үзэх, өөрийгөө үзэн ядах мэдрэмжийн цаана ч бас нуугдаж байдаг. Учир нь Эго гэж өөрийгөө тодорхойлоход нөлөөлдөг, таны өөртөө өгдөг ямар нэгэн дүр, төсөөлөл юм. Энэхүү өөрийн тань талаарх төсөөлөл та өөртөө хэлж ярьдаг болон бусад хүмүүс таны талаар хэлж, ярьсан зүйлсээс сонгож, итгэснээр бүрэлддэг.

Saturday, April 5, 2014

Apm.mn вэбсайтыг ашиглалтанд оруулав

Манай компани (Супер Гравитон ХХК) 2014 оны 4 сарын 1-нд https://www.apm.mn бэлэн бараатай онлайн худалдааны вэбсайтыг ашиглалтанд оруулав.

Нүүр хуудасны харагдах байдал
Энэхүү вэбсайтыг Symfony  Framework 2.4 дээр хийсэн бөгөөд тасралтгүй хэвийн ажиллагааг хангах, өдөр тутмын хөгжүүлэлтийг мөн хариуцан ажиллаж байна.
Манай компаний тухай дэлгэрэнгүй мэдээллийг http://www.graviton.mn-ээс аваарай

Friday, February 28, 2014

Оролцох эрхгүй хэлэлцээр

Баяр даргын 1995 онд бичсэн нэгэн өгүүллийг интернэтээс олсноо толилуулж байна. Энэхүү өгүүлэл нь Ялтын хэлэлцээрээс хойш 50 жилийн дараа хожим Монгол Улсын Ерөнхий сайд болсон хүний бичсэн өгүүлэл гэдэг утгаар бас л сонирхолтой факт юм. Монгол Улсын тусгаар тогтнолыг де факто (үнэндээ) утгаараа хэрхэн үзэж буй талаар Баяр даргын ойлголтыг ч анзаарч болмоор байгаа юм.

«Гадаад Монголын статус кво»

Этгээд гэмээр энэ томъёолол яагаад гарч ирэв, хэн түүнийг зохиов, улс төрийн ямар утга агуулж байв. Монголын туүхэнд чухам ямар үурэг гүйцэтгэв?
Эдгээр асуултын хариу 50 жилийн дараа ч гэсэн сонирхол татсан хэвээр байна. Монгол Улсын тусгаар тогтнол, аюулгүй байдал, стратегийн ач холбогдолтой шууд холбоотой энэ сэдвээр манай түүхч, судлаачдын сонирхолтой бүтээл гарч байна, олноор гарах биз ээ. Эл бичихдээ манайд урьд өмнө нийтлэгдэж байгаагүй өрнөдийн төрийн зүтгэлтэн, судпаачдын дуртгалаас түүхэн баримт түлхүү иш татахыг хичээлээ.

Friday, February 21, 2014

Петер Дракерын ярих дуртай түүх

Петер Дракер Афин хотын захиргааны захиалгаар барилгын орой дээр хөшөө барьсан МЭӨ 500 оны үеийн Грекийн уран барималчийн түүхийг ярих дуртай байж. Тэрхүү уран барималч төлөвлөсөн хугацаанаас илүү хэдэн сар ажиллаж, хөшөөний ар талыг урд талтай нь адил хичээнгүйлэн урлажээ. Хотын захиргааныхан түүний энэхүү илүү ажилд уурлаж, "Хэн ч харахгүй атал чи яагаад хөшөөний ар талыг урдахтай нь адил гоё хийх гээд байгаа юм бэ?" гэхэд тэрээр "Аан. Гэхдээ бурхад харна шүү дээ" гэжээ.

Saturday, February 15, 2014

Ааваа дурсана

МУГЖ Завханы хэмээх Батсүх гуайн дуулснаар түмэн олонд хүрсэн "Ааваа дурсана" хэмээх дууны шүлгийг миний аав Алтанбаяр бичсэн бөгөөд надад зориулаад биччихсэн мэт бодогдож, нүдэнд нулимс хурах юм даа

Дууг доорх холбоосоор сонсоно уу.
https://www.xyyp.mn/a/EHNCJ4rKPV/

Үг: Б. Алтанбаяр
Ая: Д. Бямбажав

Аав таныхаа уужим ухааныг хүү нь өвлөж
Алдар нэрийг тань хүмүүс дурсаж явах үед нь
Амгалан тайван царай тань нүднээ тодорно оо
Аядуу намуун дуу тань чихнээ сонсогдоно оо

Дахилт:
Босоод ирчих биш дээ аав минь ээ, та
Бодлогогүй муу хүүгээ зэмлэх ч биш дээ, та

Алдаж онодог орчлонд шаналж мухардах үед нь
Алаг нүдэнд нулимс хурж таныгаа дурсана аа, аав аа
Алдрыг нь өвлөж мөнхөрсөн үр бидэндээ аав минь
Ахиад хэзээ ч дуурсахгүй аялгуу нь байж дээ, та

Дахилт:
Босоод ирчих биш дээ аав минь ээ, та
Бодлогогүй муу хүүгээ зэмлэх ч биш дээ, та

Ач үрийнхээ даахийг үнэрлэх бусдыг хараад
Аав минь би таныгаа дурсаж зүрхэндээ уйлна аа
Аргасан нүдэнд нулимс хурж хорвоо давчидахад
Аавыгаа чи орлосон гэж бурхад дуу алдана аа

Дахилт:
Босоод ирчих биш дээ аав минь ээ, та
Бодлогогүй муу хүүгээ зэмлэх ч биш дээ, та
Босоод ирчих биш дээ аав минь ээ, та
Бодлогогүй муу хүүгээ зэмлэх ч биш дээ, та

Tuesday, January 21, 2014

Хэнтийн Жиймэн

Миний багшийн тухай Зандаахүү эгчийн бичсэн нийтлэлийг хүргэж байна. 

Даяар Монгол онлайны "Зохиогчийн булан"-гийн зохиолч, сэтгүүлч Б. Зандаахүүгийн "Хөрөг" цувралын Зургадугаар
Лениний мэндэлсний 100 жилийн ойгоор морин хуур эгшиглүүлж, Монголд зочилсон Брежневт баян хуур тоглож явсан сурагч хүү хожмоо Унгарын нийслэлд суралцан Компьютер зохион бүтээгч хэмээх “хачин” мэргэжил эзэмшсэн нь 1984 он.
Арван жилийн сургуулиа онц төгсч астрономи физикт хайр зарласан энэ эрхмийн тухай домог шиг ярианд чих тавин шүүрс алдсан сурагч охин Өндөрхааны 10 жилийн хүндэт самбараас л зургийг нь харж байснаас өөрөөр энэ хүнтэй уулзаж учирч халуун яриаг нь хальт ч атугай сонсож явсангүй. Том эрдэмтэн, том хүн л гэх бахархал цохилуулж явж. Гэтэл Жиймэн доктор тэнгэрт хальжээ гэх харуусалт мэдээ саяхны нэгэн өдөр сонины хуудаснаа харагдаж маргааш нь Хэнтийн нутгийн зөвлөлийн ах нар сандарч тэвдэн утас цохисон юм.

Sunday, January 12, 2014

Наран хиртэхүй

1997 оны 3-р сарын 9-ний өдөр монгол улсын газар нутаг дээр нарны бүтэн хиртэлт ажиглагдсан билээ. Энэ үйл явдлын өмнө миний багш З.Жиймэн нар сарны хиртэлтийн шинэ алгоритм боловсруулан, персональ компьютерт зориулсан програм хангамжийг хөгжүүлсэн байсан бөгөөд энэхүү хиртэлт нь түүний онолын эхний баталгаа болох байлаа. Ингээд тухайн өдрийн Ням гариг сонины дугаарыг олж багшийнхаа нийтлэлийг толилуулж буй минь энэ юм.